Busturialdea Urdaibai eskualdean baditugu Neolito Aroko ehorzketen lekuko diren trikuharri edo monumentu megalitikoak. Busturian adibidez, Katillotxu mendian, edota aurrez aurre dagoen Sollube mendi gainean hainbat trikuharri aurkitu izan dira.
Zoruan kokaturiko lauza handiek osatzen dute; horiek
ganbera nagusia mugatzen dute, eta horren ardatza sarritan ekialdera begira
egoten da. Horrela, gorpuen burua gehienetan Eguzkirantz orientaturik egoten
zen. Zoruan sarturiko lauza handien gainean, trikuharriaren sabaia edo estalkia
dago. Multzo osoa, gainera, lurrez edo harriz estalita egoten zen, eta hori
tumulua zen; plano inklinatutzat erabiltzen zen, arrabolen gainean (zuhaitzen
enborrak) sarritan oso pisutsua izaten zen estalkia arrastaka eramateko.
Hiletaegitura horiek mendialdeetan aurkituko ditugu. Gehienetan, aukeraturiko
lekuak (artzaintzako lekuetatik hurbil) ikuspegi bikainak eta garbiak zituen
ekialderantz.
Bizkaian, Euskal Herriko gainerako lurraldeetan
bezala, megalitoen ezaugarri nagusia bakuntasuna da. Sarritan mendiko
megalitoak dira, mendietan bizi izandako nekazarien edota artzainen talde txikiek
harturikoa, horiek ez baitziren lan oso handiak egiteko gauza.
Hildakoekin batera utzitako gauzei dagokionez, hori
gehienetan oso pobrea zen: zeramika zatiak, hezurrezko botoi batzuk, silexeko
karrakagailu txikiak, eta kobrezko edo brontzezko gauza txikiak eta arraroak.
No hay comentarios:
Publicar un comentario